Seguro di Malesa (plaka di malesa)

Aangifteformulier blanco

Mutatieformulier
1. Ki ora bo ta sigurá?

Ora bo presta trabou pa un dunadó di trabou den un relashon di servisio òf ku bo a aseptá personalmente i bo ta gana bou di e límite di sueldo.

2. Kiko bo mester hasi, ora bo bira malu?

Pidi bo dunadó di trabou un karchi di dòkter (un karchi hel). Ku e karchi di dòkter aki i un prueba di identifikashon, bo ta bai bo dòkter di kas.

3. Kiko ta sosodé ora dòkter deklará ku bo ta inkapas pa traha (A.O.)?

E ora ei, e dòkter ku a deklará esei, mester yena e fecha entrante kua bo a bira malu (A.O.) riba e karchi hel. Si bo ta malu (A.O.) pa mas ku dos dia, e di tres dia bo mester bai serka e dòkter di SVB ku ta kontrolá durante su oranan di ofisina. Mester meldu prome ku 10:00 mainta.

4. Despues di e promé dos dianan, e dòkter ku ta kontrolá pa Banko di Seguro Sosial ta determiná e inkapasidat pa traha.

Si bo no presentá na tempu pa kòntròl, bo no tin derechi mas riba plaka di malesa. Si bo no presentá na bo trabou riba e dia ku nan a deklarábo kapas pa traha atrobe, bo mester bai kontrolá e mesun dia ei na Banko di Seguro Sosial.

5. Kiko bo mester tene kuenta kuné semper, ora bo bai Banko di Seguro Sosial pa kòntròl?

Bai ku bo karchi pa mèldu enfermedat òf bo karchi di aksidente na trabou.
6. Kua ta bo derechinan, ora bo ta malu?

E ora ei bo tin derechi riba plaka di malesa, basta bo kumpli ku reglanan stipula.

7. Ki ora bo no por traha?

Ora ku, komo konsekuensha di un enfermedat durante 24 ora òf mas, bo no ta den kondishon pa traha. Ora ku temporalmente bo no tin mag di traha, pasobra bo mester hasi un investigashon médiko nesesario. Ora bo no tin mag di bai traha, relashoná ku peliger di infekshon pa otronan.

8. Serka ken bo ta haña bo plaka di enfermedat, ora bo no por traha?

Durante e tempu ku bo ta den servisio, bo dunadó di trabou ta obligá di pagabo bo plaka di malesa, riba dia ku normalmente bo lo a haña bo sueldo.

9. Entrante ki dia bo tin derechi riba plaka di malesa?

Pa e dia ku bo a mèldu malu i tambe pa e dos dianan siguiente, ta paga plaka di enfermedat, si e dòkter presente ku ta tratabo, ta haña ku bo enfermedat ta eksihí pa bo bai hòspital. Entrante e di tres dia despues ku bo a mèldu malu, ora bo no por traha komo konsekuensha di enfermedat. Si bo enfermedat, komo konsekuensha di e mesun kousa ta dura mas ku tres dia (tambe si den kaso ku atmishon na hòspital ta nesesario), ta paga e pago di enfermedat pa e tres dianan ya menshoná. Den kaso di embaraso, e trahadó hende muhé tin derechi riba pago di sueldo durante e 7 siman promé ku e fecha ku probablemente e ta duna lus i 7 siman despues (zwangerschapsverlof).
10. Kuantu e plaka di malesa ta?

E porsentahe ta 80% di e sueldo pa dia, sin tene kuenta ku bo ta mantené bo famia, bo estado sivil i estadia den hòspital.

11. Ki ora bo ta pèrdè bo derechi riba plaka di malesa?

Dos aña despues di meldu mesun malesa (ziekteoorzaak). Trahadónan ku ta traha ménos ku 5 dia pa siman ta sigurá pa solamente Seguro di Aksidente.

12. Kiko bo mester hasi pa bo risibí bo plaka di malesa?

Laga atministrashon di Banko di Seguro Sosial aprobá patras di bo karchi di kòntròl e periodo ku bo no por a traha.