Splikashon di areglonan

SVB ta responsabel pa ehekushon di algun lei. Den e menubalk por mira e leinan.

Penshun di Behes (AOV)

Esaki ta un seguro general ku ta para garantia pa un kompensashon pa tur siudadano di Korsou ora nan alkansa e edat di 65 aña.

Penshun di Viuda, viudo i werfano (AWW)

Esaki ta un seguro general ku ta garantisa sosten finansiero na un esposo(a) ora su kasa fayese i na e yunan ora nan mayor fayese.

Seguro di Malesa (ZV)

Meta di e seguro aki ta pa sigura trahadonan ku un entrada bou di e limite di sueldo pa perdida di entrada den kaso di malesa.

Seguro di Aksidente (OV)

Meta di e seguro aki ta pa e dunado di trabou sigura su trahadonan pa gastunan di kuido mediko i perdida di entrada komo konsekuensia di un aksidente.

Seguro Basiko

E seguro básiko, konforme lei di Seguro Básiko kontra gastunan di malesa, ta sòru pa un seguro uniforme pa tur siudadano ku ta kai bou di e lei  pero tambe pa mantené gastunan den kuido médiko.

Cessantia

Cessantia ta un seguro pa trahadonan kontra gastunan desempleo fuera di nan kulpa. E seguro ta duna derecho riba un kompensashon uniko di kua e montante ta depende di durashon di e añanan di servisio i e ultimo sueldo.