Seguro di Aksidente

Gevarenklassen

1. Kiko ta un aksidente na trabou?

Un aksidente na trabou ta un aksidente durante, òf relashoná ku ehekushon di e trabou, i ku ta kondusí na inkapasidat di traha òf na kuido médiko. Ta konsiderá sierto enfermedat komo aksidente na trabou. Tambe ta konsiderá un aksidente ku un trahadó por haña na kaminda di kas pa trabou òf di trabou pa kas komo un aksidente na trabou, basta el a kue e kaminda mas kòrtiku.

2. Kiko bo mester hasi, si bo hañabo konfrontá ku un aksidente na trabou?

Bo mester pidi bo dunadó di trabou un formulario pa mèldu aksidente na trabou (bedrijfsongevallen-formulier). Ku e formulario aki bo ta bai bo dòkter di kas. Personalmente bo tin di entregá e formulario, yená pa bo dòkter di kas na e dòkter ku ta kontrolá òf e dòkter di Banko di Seguro Sosial.
3. Riba kiko bo tin derechi, si bo haña un aksidente na trabou?

Kuido médiko i atmishon na hóspital. Parti di kurpa artifisial (prothese) i artíkulonan ouksiliar.

Plaka di seguro di aksidente.

4. Kiko ta pasa ku esnan ku ta dependé di e persona konserní, den kaso di un desgrasia fatal na trabou?

Esnan ku ta finansieramente dependiente tin derechi riba ayudo finansiero.

5. Kon altu bo pago di aksidente na trabou ta?

Bo ta haña durante e promé aña 100 % di bo suèldo pa dia. Durante e siguiente añanan 80% di bo suèldo pa dia. Den kaso di invalides parsial, bo ta risibí plaka di aksidente na trabou, di akuerdo ku e porsentahe di inkapasidat (A.O.). Nota: Pa e pago máksimo di e Seguro di Aksidente na wak indise.

6. Kiko ta pasa, si bo no logra konsultá e médiko ku ta kontrolá, durante e oranan di konsulta riba e fecha indiká?

Den e kaso ei bo no tin derechi mas riba plaka di aksidente na trabou.

7. Kiko bo por hasi, si bo no ta di akuerdo ku e desishon di Banko di Seguro Sosial?

Si bo no ta di akuerdo ku e desishon aki, bo por hasi opheshon por eskrito denter di 6 siman di e fecha di e desishon serka Direktor di Banko di Seguro Sosial.