Seguro Básiko gastunan di malesa

Dia 1 febrüari 2013 a introdusí seguro básiko kontra gastunan di malesa pa tur siudadano di pais Kòrsou. E seguro básiko, konforme lei di Seguro Básiko kontra gastunan di malesa, ta sòru pa un seguro uniforme pa tur siudadano ku ta kai bou di e lei  pero tambe pa mantené gastunan den kuido médiko. Banko di Seguro Sosial (SVB) ta ehekutá e lei di Seguro Básiko pa loke ta trata derechonan riba kuido médiko. Seguronan di gastunan médiko na Kòrsou ehekutá pa gobièrnu tabata dirigí riba gruponan spesífiko den komunidat i tabatin diferente areglo. Asina tabatin areglo di PP, SGTZ i otronan. For di 1 febrüari 2013 e lei di Seguro básiko ta remplasá tur areglo ehekutá pa gobièrnu, ku eksepshon di  areglo pa empleadonan públiko i esnan ku status igual.

Seguro básiko ta di importansha pa entre otro akseso uniforme i igual i mihó kalidat di kuido den salubridat públiko. E areglonan aktual ta keda remplasá pa e lei kompletamente nobo pa gastunan médiko.

Asegurado

esnan sigurá bou di e lei aki ta:

□ tur siudadano

Ku eksepshon di:

a. personanan ku un seguro privá di malesa vigente promé i riba e fecha di 1 febrüari 2013 of un seguro di malesa internashonal vigente promé i riba e fecha di 1 novèmber 2014 (pakete mínimo bvz), ku ta wòrdu kontinuá;

b. trahadónan di kompanianan ku rísiko propio konforme artíkulo 9 di Lei di Seguro di Malesa, i miembronan di famia, ku mesun pakete ku seguro básiko

c. penshonadonan di kompanianan ku rísiko propio (Lv ZV) i penshonadonan ku promé ku baha ku penshun tabatin seguro priva, i nan famia, si nan tambe tabata kai bou di e seguro, ku mesun pakete ku seguro básiko;

d. personanan ku ta eksonerá di partisipá na seguronan sosial a base di akuerdonan internashonal

e. personanan ku ta traha pa un kompania den reino i por prueba ku nan ta sigurá pa gastunan di malesa

f. personanan ku mester di un pèrmit di estadia na Kòrsou, konforme artíkulo 6 di lei di Atmishon i Ekspulshon

g. muchanan menor di edat ku a nase riba of despues di 1 febrüari 2013 di un mayor ku ta pertenesé na un di e kategorianan ku no ta sigurá, basta e seguro priva ta sigurá e muchanan huntu ku e mayor.

Derechonan –

Aseguradonan di SVB tin derecho riba kuido médiko manera stipulá den e lei di Seguro Básiko kontra gastunan di malesa. E kuido of tratamentu ta ser determiná pa e naturalesa i kompleksidat di e malesa.

1.1   Kuido dòkter di kas

E asegurado tin derecho riba kuido médiko serka un dòkter di kas. E kuido aki ta enserá:

  • konsulta i bishita;
  • resèpt pa remedi i referensha pa spesialista of dòkter;
  • Tratamentunan menor/ of spesial;
  • Sirugia menor;
  • petishon investigashon di laboratorio.

Kuido dòkter di kas no ta enserá kùrmentu médiko of medisina alternativo. E asegurado ta mará na un dòkter di kas. Un biaha pa aña por kambia di dòkter di kas, den luna di sèptèmber.

1.2   Kuido sikológiko

Asegurado tin derecho riba konsulta of tratamentu serka sikólogo pa medio di un referensha di su dòkter di kas of spesialista. E promé konsulta  (intakegesprek), plan di tratamentu i siguiente 5 tratamentunan ta kubri, ku posibilidat di prolongashon despues di petishon.

1.3  Kuido médiko spesialisá

E asegurado tin derecho riba kuido médiko spesialisá, solamente ku referensha di un dòkter di kas of spesialista. E karta di referensha ta bálido pa 6 luna. E kuido ta enserá tambe hospital, dialysecentrum, of beademingscentrum. Tambe e kuido médiko spesialisá ta kubri:

Eksamen diagnóstiko

  • Eksamen di laboratorio;
  • Eksamen radiológiko;
  • Functieonderzoek;
  • Eksamen patologiko-anatomiko.

E asegurado tin eskoho liber i por bai tur institushon rekonosé pa eksamen diagnóstiko.

1.4  Kuido den hospital

Asegurado tin derecho riba atmishon i estadia den hospital den 3e klas inkluso kuido médiko spesialisá, kuido di enfermera, kuido paramédiko of farmaseutiko. Den kaso di kuido di partera tantu mama komo yu tin derecho riba atmishon i estadia den hospital.

1.5 Kuido paramédiko

Asegurado tin derecho riba kuido paramédiko:

  • Fisioterapia, chiropraktika i oefentherapie, di fisioterapianan  Caesar i Mensendieck, ku e meta di kura, mehorá, redusí dolor i mantenshon di un bon kondishon físiko. E promé 4 tratamentunan ta kubri, despues mester tin petishon pa aprobashon i plan di tratamentu. Referensha di un médiko ta nesesario. Logopedie, duna pa logopedistanan ku e meta rekuperashon i mehorá funshon of kapasidat di papia. Logopedie mester di aprobashon previo i outorisashon for di promé tratamentu. Referensha di un médiko ta nesesario.
  • konseho, instrukshon, training of tratamentu, duna pa un  ergotherapeut;
  • Podotherapie, inkluso podozolen. Pedikur médiko ta keda kubri den kasonan spesial. Referensha di un médiko ta nesesario.

Pa aseguradonan di 18 aña of mas e kantidat di tratamentunan di fisioterapia i  ta preskribí den e areglonan korespondiente. E asegurado tin derecho riba kuido paramediko ora ku e malesa ta asosiá ku problemanan ku ta kondusí na defisiensianan severo pa habilidat di moveshon, kuido personal i mobilidat.

1.6  Kuido dental

E asegurado den kategoria di edat  18-65 ta bini na remarke pa kuido dental ora e por demostrá ku e ta gana ménos ku NAf. 12.000,- pa aña. Aseguradonan ku no a alkansá e edat di 18 aña of tin 65 aña of mas (AOV-er), ta bini na remarke pa kuido dental, sin límite di entrada. Tur penshonado ku ta kobra penshun di behes (AOV) of persona ku ta kobra VUT i for di 1 februari 2013 tin 55 aña di edat tambe tin derecho riba kuido dental sin límite di entrada.

Prosedura pa haña kuido dental:

  • Asegurado mester inskribí serka un dentista ku ta traha ku SVB (chek lista SVB);
  • E dentista ta manda e formulario pa aprobashon pa SVB;
  • Despues di aprobashon e dentista ta tuma kontakto ku e asegurado pa tratamentu.

Kuido dental ta enserá:

  • Eksamen periódiko preventivo, un biaha pa aña, of mas biaha si ta nesesario;
  • Limpiesa;
  • Prótesis
  • Yena i ranka djente

Asegurado ku a kumpli 18 aña tin derecho riba siguiente kuido dental:

  • sirugia dental ku eksamen di röntgen, dor di un dentista ku eksepshon di sirugia paradontal i ranka djente.

Asegurado tin derecho riba otro tratamentunan, si esaki ta nesesario den kaso di defisiensianan for di nasementu of físiko/mental komo konsekuensia di aksidente.

E asegurado por inskribí serka un dentista di su eskoho, si esaki ta dispuesto pa duna servisio konforme lei di Seguro básiko. Asegurado no tin derecho riba vorskòt.

1.7  Kuido farmaseutiko

asegurado tin derecho riba e siguiente:

  • konseho i guia di apotheker establesé na Kòrsou;
  • Polymere, oligomere, monomere i modulaire dieetpreparaten, den kaso ku e asegurado no por usa kuminda normal i si asegurado ta sufri di:
  1. problema metaboliko severo;
  2. alergia di kuminda severo;

Kuido farmaseutiko no ta kubri:

  • Remedinan ku por ser remplasá pa remedi igual mas barata;
  • Antikonseptivo, ku eksepshon:
  1. asegurado mas yòn ku 18 aña;
  2.  remedi pa trata endometriose;
  3. remedi pa trata memorragie kaminda ta trata di sanger abou, segun reglanan stipulá
  4. remedinan ku por haña sin resèpt.

Asegurado tin derecho riba remedinan preskribí pa dòkter, dentista of partera. Asegurado tin derecho riba tur remedi preskribí pa dòkter di kas of spesialista, basta e no ta riba lista negativo.

Asegurado tin ku paga Naf. 1,- pa kada remedi.  Asegurado tin derecho riba remedinan preskribí pa un periodo máksimo di: un aña, si ta trata di antikonseptivo;

  1. Tres luna, si ta trata remedinan pa trata malesanan króniko
  2. 15 dia, si ta trata remedi pa kombatí malesanan ku antibiótika of kemoterapia;
  3. den tur otro kaso un luna.
1.8  Kunst- hulpmiddelenzorg

Asegurado tin derecho riba medionan artifisial ku aprobashon previo:,:

  • Prótesis pa skouder, brasa, man, pia;
  • Mammaprothese;
  • Gelaatsprothese;
  • Oogprothese;
  • Medionan pa bista*;
  • Medionan di kuido;
  • Angua;
  • Medionan pa diabétiko;
  • Aparato di rosea;
  • Sapatu spesial;
  • Zuurstofapparatuur;
  • CPAP-apparatuur.

*Asegurado entre 18 pa 65 aña ta bini na remarke pa brel basta tin un entrada bou di NAf. 12.000,- pa aña. Pa otro kategoria di edat  (0-17, 65+)  no tin límite di entrada. Tur penshonado ku ta kobra penshun di behes (AOV) of persona ku ta kobrando VUT i for di 1 februari 2013 tin 55 aña di edat tambe tin derecho riba brel sin límite di entrada.

Prosedura pa haña brel:

  • Asegurado mester pidi un verwijsbrief serka dòkter di kas. solamente un resèpt di brel di dòkter di wowo ta bálido
  • Asegurado ta mèldu serka Òptika di su eskoho;
  • Òptika ta manda e resèpt di brel pa aprobashon pa SVB;
  • Despues di aprobashon Òptika ta tuma kontakto ku asegurado pa e brel.

Pakete di brel:

  • ta kubri montura te Naf. 90-;
  • ta kubri glas blanku konforme e resèpt di brel;
  • ta kubri glas plùs montura kada dos aña, ku eksepshon di indikashon médiko.

SVB ta disidí si ta kumpra of fia sierto medionan artifisial. Si fia por pidi un depósito. No ta kubri interes riba esaki. Fia ta inkluí gastunan di transporte for i pa e kas di e asegurado, mantenshon tékniko, i limpiesa di aparatonan.

1.9  Kuido di parto

Asegurado tin derecho riba:

  • guia durante parto, kuido pre i postnatal pa un partera of dòkter di kas.. Solamente riba indikashon médiko un spesialista por hasi parto;;
  • kuido di parto den hospital posibel den 3e klas.. Si riba indikashon médiko kuido den un klas mas haltu a nesesario, esaki ta keda kubri;
  •  hospital pa tres dia, of mas si ta nesesario riba indikashon médiko;
  • uso di verloskamer;
  • artíkulonan di kuido;
  • eksamen di laboratorio;
  • gastunan di parto (pakete total inkluso kuido na kas) serka “Fundashon Duna Lus”;

Den kaso ku duna lus na kas ta kubri gastunan di partera.

1.10         Kraamzorg

Asegurado mama i yu tin derecho riba kuido di parto na kas, duna pa un  kraamverzorgende, durante por lo ménos 24 i maksimal 48 ora, dividí riba máksimo 8 dia for di dia di parto.

Mama i yu tin derecho riba kuido den hospital of kraam durante máksimo 3 dia, for di dia di parto.

1.11 Transporte di pashènt

Asegurado tin derecho riba transporte médiko di emergensha ku ambulans den kaso:

  • e gastunan di atmishon i estadia den hospital kaminda ta transportá asegurado ta wòrdu kubri pa seguro;

Gastunan di kuido ta wòrdu kubri den instituto kaminda ta hiba asegurado tin derecho riba gastunan di transporte ku no ta ambulans den siguiente kasonan:

  • si asegurado mester hasi nierdialyse;
  • si asegurado mester hasi tratamentunan onkológiko ku kemoterapia of radioterapia;
  • si asegurado por mobilisá solamente ku un rolstoel;
  • e bista di asegurado ta di tal forma limitá ku e no por mobilisá sin guia.

E tarifa ta inkluí tambe transporte di un guia, si ta nesesario segun un deklarashon por eskrito di e médiko of si ta trata guia di muchanan menor di edat.

Derecho riba transporte ku ambulans ta enserá tambe air-ambulance den kaso di emergensia of aksidente.

1.12 Kuido médiko den eksterior

Asegurado tin derecho riba eksamen médiko of tratamentu den un sentro médiko of spesialista den eksterior, riba referensha di un spesialista lokal, despues di aprobashon di SVB. Esaki den kasonan ku e tratamentu of eksamen no ta posibel na Kòrsou. Por lo general ta referí na sentronan médiko ku SVB tin un akuerdo kuné.

Kuido médiko den eksterior ta enserá:

  1. gastunan médiko relatá na e petishon
  2. ticket i impuesto di salida
  3. kompensashon (daggeldvergoeding) pa e asegurado, i si ta aprobá pa e akompañante;
  4. gastunan di transporte na yegada i salida;
  5. gastunan di estadia pafó di hospital (hotèl, serka famia, apartamento).

Gastunan di estadia ta keda kubri miéntras estadia den eksterior ta nesesario pa motibunan médiko.