Base legal

94_tmbSVB a keda instalá komo un entidat hurídiko den Landsverordening di 29 ougùstùs 1960 (P.B. no.83) i ta enkargá ku ehekushon di e siguiente seguronan:
Landsverordening Algemene Ouderdomsverzekering-P.B. 1960 no. 83 (Penshun di behes)

Landsverordening Algemene Weduwen- en Wezenverzekering-P.B. 1965 no. 194 (Penshun di Viuda, Viudo i Wèrfano)

Landsverordening Ongevallenverzekering-P.B. 1966 no. 14 (Seguro di Aksidente)

Landsverordening Ziekteverzekering-P.B. 1966 no. 15 (Seguro di enfermedat)

Cessantia Landsverordening-P.B. 1983 no. 85 (Cessantia)
Den e leinan aki ta regla ken ta sigurá, kua rísikonan ta kubri i kuantu prima mester paga. Kontrali na seguronan privá kaminda partidonan tin libertat di kontrato, e totalidat di derecho i obligashonnan pa e asegurado i instansha di seguro ta keda stipulá legalmente pa e seguronan sosial ku ta di índole públiko.

Responsabilidat ministerial

E responsabilidat ministerial pa SVB ta serka e minister di Salubridat Públiko, Medio Ambiente i Naturalesa.

Hunta di konseho i supervishon

Konseho i supervishon riba e mando di SVB ta na enkargo di e Hunta di konseho i Supervishon. E Hunta ta keda nombra pa gobernador pa un periodo di 3 aña. E Hunta ta konsistí di un representante di trahadó, unu di dunadó di trabou, 4 gruponan sosial i un presidente.

Gerensia

Maneho di SVB ta na enkargo di un direktor (drs. Philip Martis) ku ta responsabel na Minister di Salubridat Públiko, Medio Ambiente i Naturalesa.